Нэг. Нийтлэг үндэслэл, гэрээний зорилго
1.1 Сургалтын төлбөрийг 100% төлж, гарын үсэг зурснаар гэрээг байгуулсанд тооцно.
1.2 Энэхүү гэрээний зорилго нь заах арга зүй, сургалтын орчинг бүрдүүлсэн мэргэжлийн багшлах баг бүрэлдэхүүн Суралцагчийн түвшинг тодорхойлохоос эхлэн хүүхэд нэг бүрийг нэгдсэн мэдээллийн сантай болгож суралцагчийн хувийн нууцыг хадгалах, хүүхдийг ялгаварлан гадуурхахгүй байх зарчмуудыг баримтлан Монгол Улсын Иргэний хууль, Монгол Улсын Боловсролын тухай хууль, Хүүхэд хамгааллын тухай хууль, Англи хэлний академийн дотоод дүрэм, журмыг үндэслэн сургалт явуулах харилцааг зохицуулахад оршино.
Хоёр. Англи хэлний академийн эрх, үүрэг
2.1 Англи хэлний сургалтыг батлагдсан стандарт хөтөлбөр, сургалтын төлөвлөгөө, сургалтын график хуваарийн дагуу мэргэжлийн түвшинд явуулах;
2.2 Академик нэг цагийн хичээлийн үргэлжлэх хугацаа нь хичээлийн академик нэг цаг буюу 40 минут байна.
2.3 Суралцагчийг шаардлага хангасан хичээлийн анги танхим, сургалтын гарын авлага материал, тоног төхөөрөмжөөр хангана;
2.4 Суралцагчдын сургалтын явцад хяналт тавих, түүнд зохих туслалцааг үзүүлэх;
2.5 Сургалтын чанар, агуулга, сургагч багшийн ур чадвар болон бусад сургалттай холбоотой асуудлаар Суралцагч талаас санал хүсэлт, гомдол гарвал шийдвэрлэх;
2.6 Суралцагчийг цахим хувийн хэрэгтэй болгох;
2.7 Суралцагчдын нэр төр, хувийн орон зайг хамгаалах, хувийн мэдээллийг нууцлах;
2.8 Багшийн өгсөн даалгавар, давталтыг гурав болон түүнээс дээш удаа хийгээгүй, хуваарийн дагуу сургалтдаа, тав болон түүнээс дээш удаа хоцрох, гурав болон түүнээс дээш удаа албан ёсны чөлөө аваагүйгээр тасалсан бол сануулга мэдэгдлийг бичгээр буюу и-мейлээр Суралцагч талд өгөх.
Гурав. Суралцагч болон суралцагч талын эрх, үүрэг
3.1 Суралцагч нь дараах эрх, үүрэгтэй. Үүнд:
3.1.1 Батлагдсан сургалтын төлөвлөгөөний агуулга, стандартыг бүрэн эзэмшиж, багшийн тавьж буй зүй ёсны шаардлагыг биелүүлж, амжилттай суралцах;
3.1.2Суралцагч нь сургалтдаа хөтөлбөрийн дагуу бүрэн хамрагдсаны дараа Академиас бэлтгэсэн шалгалтыг өгснөөр сертификат авах эрх үүсэх бөгөөд суралцагч төгсөлтийн шалгалтад ороогүй тохиолдолд сертификат олгохгүй.
3.1.3 Академийн дүрэм, дотоод журмыг дагаж мөрдөх үүрэгтэй.
3.2 Суралцагч тал нь дараах эрх, үүрэгтэй. Үүнд:
3.2.1 Сургалтын чанар, агуулга, сургагч багшийн ур чадвар болон сургалттай холбоотой асуудлаар санал хүсэлтээ бичгээр Академид гаргах;
3.2.2 Суралцагчийн мэдлэг, чадвар, дадал, ахицын талаар мэдээллийг Сургагч багшаас авах, байнгын харилцаа холбоотой байж хамтран ажиллах;
3.2.3 Суралцагчийг гэрийн даалгавраа хийх нөхцөл бололцоо, техник хэрэгсэл /компьютер, интернэт, ухаалаг гар утас/ -ээр хангах;
3.2.4 Суралцагч хүүхдэд өдөр бүр тогтмол цагт гэрийн даалгавар хийх 20 минутын хуваарь гаргах ба англи хэл амархан сурах дадлыг төлөвшүүлэхэд нь дэмжлэг үзүүлж, хяналт тавих;
3.2.5 Сургалтын хуваарийн дагуу суралцагчийг сургалтад цагт нь хамруулах;
3.2.6 Замын хөдөлгөөний аюулгүй байдлын тухай хуулийн 2.7-д заасны дагуу 10 хүртэлх насны суралцагчийг сургалт эхлэх цагт хүргэж өгч, сургалт тарах цагт авах үүрэгтэй ба сургалтын цагаас бусад хугацаанд гарсан аливаа асуудлыг Англи Хэлний Академи хариуцахгүй;
3.2.7 Суралцагчийн хүмүүжил, сахилга батаас шалтгаалсан аливаа асуудал, маргаанд Академи хариуцлага хүлээхгүй;
3.2.8 Академиас зохион байгуулах эцэг эхчүүд, асран хамгаалагчдад зориулсан нээлттэй хичээл болон бусад арга хэмжээнд заавал идэвхтэй хамрагдах;
3.2.9 Суралцагчийн эцэг эх, асран хамгаалагч нар нь Зөрчилийн тухай хуулийн 9.1.4-т заасны дагуу багшийн ажил үүргээ гүйцэтгэхэд нь саад учруулахгүй байх үүрэгтэй. Энэхүү үүргээ зөрчвөл Гэрээний 6.3-д заасны дагуу хариуцлага тооцно.
Дөрөв. Төлбөр төлөх нөхцөл
4.1 2025-2026 оны хагас жилийн сургалтын төлбөр нь 1,980,000 /Нэг сая есөн зуун наян мянган/ төгрөг ба энэ дүнд Нэмэгдсэн өртгийн албан татвар (НӨАТ) багтсан болно.
4.2 Суралцагч нь сургалтын төлбөрийг Гэрээний заалтад заасан суралцагчийн бүртгүүлсэн Академийн салбарын дансанд шилжүүлнэ.
4.3 Хүлээн авагч: “Дэ Академи Оф Инглиш” ХХК
Банкны нэр: Капитрон банк
Дансны мэдээлэл: MN610030003030024488
Тав. Төлбөрийн хөнгөлөлт
5.1 Суралцагч нь Академийн дотоод журамд заасны дагуу дараах шалгууруудыг хангасан тохиолдолд сургалтын төлбөрийн хөнгөлөлт эдэлнэ.
5.2 Суралцагчийн амжилтын хөнгөлөлт: Суралцагч өмнө оны хичээлийн жилд үзүүлсэн амжилтын дагуу дараах хөнгөлөлтийг эдэлнэ.
| “Speech contest” илтгэлийн тэмцээн |
o 1-р байр – 2,000,000 (Хоёр сая) төгрөг
o 2-р байр – 1,000,000 (Нэг сая)төгрөг
o Тусгай байр – 100,000 (Нэг зуун мянга) төгрөг
|
| “Jolly” англи хэлний олимпиад |
o 1-р байр – 2,000,000 (Хоёр сая) төгрөг
o 2-р байр – 1,000,000 (Нэг сая)төгрөг
o Тусгай байр – 100,000 (Нэг зуун мянга) төгрөг
|
5.3 Гэр бүлийн хөнгөлөлт: Нэг өрхийн 2 болон түүнээс дээш суралцагчид суралцвал уг хөнгөлтөд хамрагдах ба бусад хамаарал бүхий үеэл, авга, нагац, найз гэх мэт суралцагчид энэ хөнгөлөлтөд хамрагдах боломжгүй болно.
Зургаа. Гэрээ цуцлах нөхцөл, төлбөрийн суутгал
6.1 Сургалтын төлбөр буцаан олгох тухай:
6.1.1 Сургалтад бүртгүүлж төлбөрөө төлсөн боловч аливаа шалтгаанаар сургалт эхэлснээс хойш хичээлийн хоёр өдрийн дотор суралцагч өөрийн хүсэлтээр гэрээг цуцлах тохиолдолд сургалтын нийт төлбөрийн 10 хувийг суутгана. Гэрээ байгуулсан сурагчдын тооноос анги түүнд ногдох тогтмол үйл ажиллагааны зардлыг нөхөх боломжгүй тул энэхүү хугацаанаас хойш гэрээ цуцалбал сургалтын төлбөр буцаан олгогдохгүй.
6.1.2 Суралцагч нь дараах шалтгаанаар гэрээг цуцалж болно.
6.1.2.1 Гадаад улсад удаан хугацаагаар явахаар визийн зөвшөөрөлтэй бол;
6.1.2.2 Эрүүл мэндийн улмаас цаашид сургалтад үргэлжлүүлэн сурах боломжгүй нь Гурав дахь шатлалын эмнэлэгийн магадлагаагаар нотлогдсон бол;
6.1.3 6.1.2-т заасан тохиолдолд Суралцагчийн Академид мэдэгдсэн өдрөөр тасалбар болгон сургалтад хамрагдсан нэг өдрийн хичээлийн төлбөрийг 1.7 дахин /нэг аравны долоо дахин/ нэмэгдүүлсэн дүнгээр тооцож суутган үлдэгдэл төлбөрийг ажлын 5 хоногийн дотор холбогдох дансанд шилжүүлнэ.
6.2 Сургалтаас түр хугацаанд чөлөө олгох, сургалтыг хойшлуулах тухай:
6.2.1 Суралцагч нь төлбөрөө бүрэн төлсөн хэдий ч дээрхээс бусад аливаа шалтгаанаар сургалт эхлэхээс өмнө нэг удаа 10 хүртэлх сарын хугацаагаар хойшлуулж болно. Энэ тохиолдолд өөрийн биеэр ирж Салбарын менежерт хүсэлт бичиж өгнө.
6.2.2 Суралцагч нь 6.2.1-д заасан нөхцөлийг эдэлсэн бол Академийн санаачлагаар гэрээг цуцалж төлбөрийг буцаан олгохгүй болно.
6.3 Зөрчилийн тухай хуулийн 9.1.4-т заасны дагуу багшийн ажил үүргээ гүйцэтгэхэд нь саад учруулсан бол сургалтын гэрээг Академийн санаачилгаар цуцлах ба сургалтын төлбөрийг буцаан олгохгүй.
6.4 Суралцагч Гэрээний 2.8-д заасан зөрчлийг дахин давтвал сургалтын гэрээг Академийн санаачлагаар цуцлах бөгөөд сургалтын төлбөрийг буцаан олгохгүй.
Долоо. Талуудын хариуцлага
7.1 Суралцагч тал гэрээгээр тохирсон төлбөрийг төлөх хугацааг хэтрүүлсэн тохиолдолд хэтэрсэн хоног тутамд гүйцэтгээгүй үүргийн үнийн дүнгийн 0.5 хувьтай тэнцэх алданги төлнө.
7.2 Академи нь сургалтын хөтөлбөрийн дагуу хичээлийг ороогүй бол сургалтыг нөхөн орно. Академийн багшийн үйл ажиллагаанаас хамаарч хүндэтгэн үзэх шалтгаантайгаар тухайн өдрийн хичээл орох боломжгүй бол хичээлийг нөхөн орно.
7.3 Энэхүү гэрээний 8 дугаар зүйлд заасан Гэнэтийн болон давагдашгүй хүчний шинжтэй нөхцөл байдал бий болж, Суралцагч болон Академийн хичээл танхимаар орох боломжгүй, хичээл зайн сургалтад шилжихэд сургалтын төлбөрт өөрчлөлт орохгүй.
Найм. Давагдашгүй хүчин зүйлс
8.1 Гэнэтийн буюу давагдашгүй хүчний шинжтэй онцгой нөхцөл байдал эсхүл талуудын эрх, хууль ёсны ашиг сонирхлыг хамгаалах үүднээс гэрээний хугацааг үргэлжлүүлэх, сунгахыг шаардах боломжгүй нөхцөл байдлыг хүндэтгэн үзэх үндэслэл гэж үзнэ.
8.2 Гэнэтийн нөхцөл байдал гэдэг нь дэлхий нийтийг хамарсан аливаа халдварт өвчин тархах, байгууллагын үйл ажиллагааг төрийн эрх бүхий байгууллагын шийдвэрээр түр хугацаагаар зогсоох зэргийг ойлгоно.
8.3 Давагдашгүй хүчин зүйл гэдэг нь үерт автах, гал түймэрт нэрвэгдэх, дэлбэрэлтэд өртөх, газар хөдлөх, тахал болон бусад байгалийн хүчин зүйлс мөн цэрэг, дайны үйл ажиллагаа, төрийн эрх барих байгууллагын шийдвэр хориг, ажил хаялт зэрэг Талуудын хүсэл зоригоос үл хамаарах, Гэрээгээр хүлээсэн үүргээ бүхэлд нь буюу хэсэгчлэн биелүүлэх боломжгүй нөхцөл байдал бий болохыг ойлгоно.
8.4 Давагдашгүй хүчин зүйлийн нөлөөнд өртсөн тал нь нөгөө талдаа нэн дариу мэдэгдэх бөгөөд тухайн хүчин зүйлийн нөлөөнд өртөөгүй өөрийн үүрэгт хамаарах үйл ажиллагааг үргэлжлүүлэн гүйцэтгэж, Гэрээний хэрэгжилтэд гарсан саатлыг аль болох богино хугацаанд арилгах, үйл ажиллагааг сэргээх талаар шаардлагатай бүхий л арга хэмжээг хамтран авч ажиллана.
8.5 Давагдашгүй хүчин зүйлийн улмаас Гэрээний хэрэгжилт нэг /1/ сар ба түүнээс дээш хугацаагаар бүхэлд нь буюу хэсэгчлэн саатсан тохиолдолд аль нэг тал нь нөгөө талдаа хандан Гэрээг дуусгавар болгох тухай хүсэлтээ бичгээр мэдэгдэж, гэрээний гүйцэтгээгүй байгаа үүргийг тэнцүү хуваарилан харилцан тохиролцож шийдвэрлэнэ.
Ес. Бусад заалт
9.1 Энэхүү гэрээ нь талууд гарын үсэг зурснаар хүчин төгөлдөр болж талууд гэрээний үүргээ бүрэн биелүүлснээр дуусгавар болно.
9.2 Энэхүү гэрээгээр зохицуулагдаагүй харилцааг Монгол Улсын хууль тогтоомжийн дагуу зохицуулна.
9.3 Гэрээтэй холбоотой үүссэн маргааныг талууд зөвшилцөх зарчмаар шийдвэрлэнэ. Зөвшилцлийн замаар шийдвэрлэх боломжгүй бол Монгол Улсын шүүхээр шийдвэрлүүлнэ.
9.4 Талууд Энэхүү гэрээнд заасан аливаа нөхцөлийг урьдчилан бүрэн уншиж танилцсан, гэрээний талаарх бүрэн мэдээлэл, ойлголтыг авсан бөгөөд Талууд сайн дурын үндсэн дээр энэхүү гэрээг байгуулж байгаа ба гэрээ байгуулах үедээ эрх зүйн бүрэн чадамжтай байсан болно.
9.5 Гэрээний хавсралт, нэмэлт өөрчлөлт нь гэрээний салшгүй бүрэлдэхүүн хэсэг байна.